ORDUAK


 

 Ondorengo abestia entzuten ari zaren bitartean, asmatuko al zenuke esaten zer ordu den bideoko erlojuan? Tik-tak-tik-tak-tik-tak...

                

 

 

Hauxe da bideoan ikusten den ordua:

Ez kezkatu, oso erraza baita. Orri honetan ikasiko dugu:

• Orduak esaten eta letraz idazten.

• Orduak zenbakitan adierazten.

• Eguneroko hainbat esapide erabiltzen.
 Orduak esaten eta letraz idazten

 

  1) Hona hemen oinarrizko formak:

• Ordu osoak: ordu bata, ordu biak, hirurak, laurak, bostak, seiak...

• Erdiak: ordu bat eta erdiak, ordu bi eta erdiak, hiru eta erdiak, sei eta erdiak... (*sei t'erdiak)

• Laurdenak:

                    • ordu bat eta laurdenak/ordu bata eta laurden, hiru eta laurdenak/hirurak eta laurden...

          • bederatziak laurden gutxi/bederatziak laurden gutxiago...

• Minutuak:

          • hirurak eta hogei, seiak eta hamar...

          • hamabiak hogei gutxi/hamabiak hogei gutxiago, hirurak hamar gutxi/hirurak hamar gutxiago...

 

 2) Beste forma guztiak aurrekoetan oinarritzen dira:

 • Zer ordutan zabalduko dituzte ateak? Hiruretan, hirurak eta laurdenean, hiru eta erdietan, hirurak laurden gutxitan/gutxiagotan, hirurak eta hogeian...

• Zer ordutatik zaude hemen? Hiruretatik, hirurak eta laurdenetatik, hiru eta erdietatik, hirurak laurden gutxitatik/gutxiagotik, hirurak eta hogeitik...


 

Orduei buruz, Euskaltzaindiak emandako araua ikusteko, sakatu hemen.



 

 Orduak zenbakitan adierazten


Zenbakitan ematen ditugunean, bi puntuekin (:) bereizi behar dira orduak eta minutuak, eta bakoitzeko bi zifra erabili behar dira. Zenbakitan honela deklinatuko ditugu orduak:

 

• Ordu osoak: -etan erabilita. Salbuespena ordu bata da:

                    01:00ean

                  09:00etan

                  22:00etatik 23:00etara...

  

• Laurdenak: -ean erabilita idatziko ditugu:

                   05:15ean (bostak eta hamabostean, bostak eta laurdenetan)

 

 

• Erdiak: -ean erabilita: 

                  5:30ean (honela irakurtzen da: bostak eta hogeita hamarrean, bost eta erdietan) 

• Minutuak: -(e)an erabilita:

                  05:05ean (bostak eta bostean)

                 05:20an (bostak eta hogeian)                                                                                                        

 Gure idazkietan aukera hauetako bat erabiliko dugu: 

              • Dena letraz: Eguerdiko hamabietan

            • Zenbakiz: 12:00etan

            • Erdi bidea erabilita: Eguerdiko 12:00etan
 Eguneroko hainbat esapide erabiltzen

 

Zazpi-zazpietan egon beharko dut. Bestela, ez naute hartuko.

Ordu zehatza dela adierazteko.

Ez dakit ziur zer ordutan baina hamabiak inguruan heldu zen bilerara, denak alde eginda zeudenean.

Gutxi gorabeherako ordua adierazteko.

Hamaikak jotzeko daude. Hasiko gara?

Ordua izateko denbora gutxi falta dela adierazteko.

Hamarrak eta hamar pasata dira. Honezkero ez da agertuko.

Esaten den ordutik minuturen bat pasatu dela adierazteko.

Bederatzi eta erdietan etorriko da, bost minutu barru.

Zerbaitetarako zenbat denbora falta den adierazteko.


 

ARIKETAK
Aukeratu dagokiona 1. 14. Bete hutsuneak 1. 15.
Azken aldaketa: asteazkena, 2019(e)ko urtarrilaren 30(e)an, 13:59(e)tan